Երևանում՝ 11:07,   27 Ապրիլ 2024

Բաթոյանը կոչ է անում Արցախից եկածներին աջակցությունը տրամադրել պետական մարմինների միջոցով

Բաթոյանը կոչ է անում Արցախից եկածներին աջակցությունը տրամադրել պետական 
մարմինների միջոցով

ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ Աշխատանքի և սոցիալական հարցերի նախարար Զարուհի Բաթոյանը քաղաքացիներին կոչ է անում Արցախից եկած մեր հայրենակիցներին աջակցությունը տրամադրել պետական մարմինների միջոցով: «Արմենպրես»-ի փոխանցմամբ` այս մասին Բաթոյանն ասաց Ազգային ժողովում լրագրողների հետ զրույցում:

«Ցանկանում եմ կոչ անել, որ քաղաքացիներն աջակցությունը համակարգված տրամադրեն: Եթե ունեն ռեսուրսներ, որոնք ուզում են ծառայեցնել Արցախից եկած մեր հայրենակիցներին, ապա դա անեն պետական մարմինների միջոցով, որովհետև այնտեղ ավելի հստակ գիտեն կարիքները: Պետք է ռեսուրսները ավելի հասցեական տրամադրենք՝ խնայելով նաև այդ ռեսուրսները»,- ասաց Բաթոյանը:

Արցախի հետ շփման գծի ողջ երկայնքով սեպտեմբերի 27-ի վաղ առավոտյան Ադրբեջանն ակտիվ ռազմական գործողություններ է սկսել: Հրետակոծվում և հրթիռակոծվում են նաև խաղաղ բնակավայրերը, այդ թվում՝ մայրաքաղաք Ստեփանակերտը և Շուշին: Ադրբեջանի ԶՈՒ-ն թիրախավորել է նաև ՀՀ զինվորական և քաղաքացիական ենթակառուցվածքները: Արցախում և Հայաստանում Ադրբեջանի սանձազերծած ագրեսիայի, ողջ զինանոցի կիրառման՝ հրետակոծման, ԱԹՍ հարվածների և հրթիռակոծման հետևանքով 21 քաղաքացիական անձ է զոհվել, վիրավորվել 80-ից ավելին: Արցախի նկատմամբ Ադրբեջանի սանձազերծած պատերազմում զոհվել է 320 զինծառայող և կամավորական:

Առկա են հաստատված տեղեկություններ, որ Ադրբեջանի զինուժի կազմում հայկական կողմի դեմ մարտերի մեջ են նաև Սիրիայից Թուրքիայի միջոցով բերված վարձկաններՖրանսիայի նախագահ Մակրոնը հաստատել է, որ տիրապետում է լուրջ փաստերի այդ մասին. ջիհադիստները կապեր ունեն «Իսլամական պետություն» ահաբեկչական խմբավորման հետ: Վարձկանների ներգրավվածության մասին փաստերի է տիրապետում նաև Ռուսաստանը: Այդ մասին հայտարարել է նաև աղբյուրը ԱՄՆ Պաշտպանության նախարարությունիցՍիրիայի նախագահ Բաշար Ալ-Ասադը նշել է, որ Դամասկոսը կարող է հաստատել՝ Թուրքիան Սիրիայից Ղարաբաղ է ուղարկել ջիհադիստների:

Նորայր Շողիկյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am