391.57
Կաթողիկոսն ու ԿԳՄՍ նախարարը քննարկել են հանրակրթական բարեփոխումների հետ կապված եկեղեցու առաջարկները
1 րոպեի ընթերցում
ԷՋՄԻԱԾԻՆ, 15 ՍԵՊՏԵՄԲԵՐԻ, ԱՐՄԵՆՊՐԵՍ: Ն.Ս.Օ.Տ.Տ. Գարեգին Բ Ամենայն Հայոց Կաթողիկոսն ու ՀՀ կրթության, գիտության, մշակույթի և սպորտի նախարար Արայիկ Հարությունյանը Մայր Աթոռ Սուրբ Էջմիածնում սեպտեմբերի 14-ին կայացած հանդիպմանը քննարկել են պետություն-եկեղեցի հարաբերություններին առնչվող հարցեր: Այս մասին տեղեկացնում է Մայր Աթոռի տեղեկատվական համակարգի տնօրեն Վահրամ քահանա Մելիքյանը:
«Հանդիպման ընթացքում քննարկվել են պետություն-եկեղեցի հարաբերություններին առնչվող հարցեր, հանրակրթության ոլորտի բարեփոխումներն ու դրանց հետ կապված Հայ Առաքելական եկեղեցու առաջարկությունները: Որոշվել է, որ առաջիկայում տեղի կունենա կրթության հարցերով համապատասխան ենթախմբերի հանդիպումը, որի շրջանակում էլ անդրադարձ կլինի նշված թեմաներին»,-«Արմենպրես»-ի հաղորդմամբ՝ նշում է Մելիքյանը։
Բաժանորդագրվեք մեր ալիքին Telegram-ում