387.58
Խորհրդարանում նախատեսվում է հաջորդ շաբաթ արտահերթ նիստ անցկացնել
1 րոպեի ընթերցում
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: ՀՀ ազգային ժողովում նախատեսվում է հաջորդ շաբաթ արտահերթ նիստո անցկացնել: «Արմենպրես»-ի հաղորդմամբ`այս մասին «Իմ քայլը» խմբակցության փակ նիստից հետո լրագրողների հետ զրույցում ասաց ԱԺ փոխնախագահ Ալեն Սիմոնյանը:
«Հերթական հանդիպումն էր խմբակցության հետ: Շատ հնարավոր է, որ գալիք շաբաթ արտահերթ խորհրդարանական նիստ ունենանք, հարցեր լինեն քննարկելու: Վարչապետը ելթույթ ունեցավ, հետո հնչեցին հարցեր, խմբակցության ելույթներ»,-մանրամասնեց Սիմոնյանը:
Նրա խոսքով՝ խմբակցության նիստում ընդհանուր առմամբ քննարկվել է ստեղծված իրավիճակը, որևիցե նոր բան չկա ասելու: Նիստում որևէ արտառոց բան չի քննարկվել, եթե այդպիսիք լինեին, Սիմոնյանը վստահեցնում է՝ հանրությունը կիմանար դրա մասին:
Աննա Գրիգորյան
