ՌԴ առողջապահության նախարարի առաջին տեղակալ է նշանակվել Իգոր Ղահրամանյանը
14:56, 2 Հունիս 2020
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ։ ՌԴ Դաշնության խորհրդի անդամ Իգոր Ղահրամանյանը նշանակվել է Առողջապահության նախարարի առաջին տեղակալ:
Ինչպես հաղորդում է «Արմենպրես»-ը՝ վկայակոչելով «Ռեգնում» տեղեկատվական գործակալությանը, համապատասխան որոշում է ստորագրել ՌԴ վարչապետ Միխայիլ Միշուստինը։
«Ի սրտե շնորհավորում ենք, մաղթում ենք հաջողություններ, հույս ունենք փոխգործակցության և արդյունավետ համագործակցության», — հայտարարել է Դաշնության խորհրդի խոսնակ Վալենտինա Մատվիենկոն։
Իգոր Ղահրամանյանը ՌԴ Դաշնության խորհրդի անդամ է, Դաշնության Խորհրդի սոցիալական քաղաքականության կոմիտեի առաջին փոխնախագահ:
Պատրաստեց Լիլիթ Դեմուրյանը
Բաժանորդագրվեք մեր ալիքին Telegram-ում