Ժամանակը Երևանում՝ 11:07:36,   28 Փետրվար

Մարզահամերգային համալիրն իր հարկի տակ կհյուրընկալի կովկասյան շանսոնի հայտնի կատարողների

Մարզահամերգային համալիրն իր հարկի տակ կհյուրընկալի կովկասյան շանսոնի 
հայտնի կատարողների

ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Ռուսաստանի Դաշնության վաստակավոր արտիստ, «Ոսկե կլառնետ» տիտղոսակիր Միխայիլ Միրզաբեկովը և մի շարք այլ երգիչներ ելույթ են ունենալու փետրվարի 23-ին Կ. Դեմիրճյանի անվան մարզահամերգային համալիրում կայանալիք կովկասյան շանսոնի երեկոյին:

«Արմենպրես»-ի հաղորդմամբ` Միխայիլ Միրզաբեկովը հայտնի է ոչ միայն շանսոն, այլև՝ ջազային կատարումներով: Վերջինս ազգությամբ հայ է, ծնվել է Բաքվում, բայց երաժշտական գործունեություն է ծավալում Ռուսաստանում:

Նա համերգին ներկայացնելու է երգ Հայաստանի մասին, որի երաժշտության հեղինակը հենց ինքն է, իսկ խոսքերը գրել է ազգությամբ հրեա, հայերի լավ ընկեր, երաժիշտ Բեռնարդ Օսիպովը: Երգը հայերեն և ռուսերեն է, կոչվում է «Вечная Армения»: Բեռնարդ Օսիպովը, խոսելով երգի խոսքերի ստեղծման մասին, նշել է. «Լինելով հրեա ազգի արժանավոր զավակ՝ պետք է ասեմ, որ ինձ բազմիս ջերմացրել են հայկական կրակները, հայկական յուրաքանչյուր երգ հոգու իսկական բալասան է»:Երեկոյի ընթացքում հանդես կգան այնպիսի շանսոն երգիչներ, ինչպիսիք են Գագիկ Եզակյանը, Արթուր Ամիրյանը, Աննա Էդիլյանը, Ֆեդո Խաչատրյանը, Վիտոն, Մամիկոնը, Մարատ Փաշայան, Հովիկ Խաչատրյանը և Կարեն Հարությունյանը:





https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ