ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Ձմեռային դադարից հետո՝ փետրվարի 28-ից, կվերսկսվի ՀՀ բարձրագույն խմբի առաջնությունը։

«Արմենպրես»-ի հաղորդմամբ` 16-րդ տուրի խաղացանկը հայտնի է, կմրցեն հետևյալ  զույգերը. «ՖԱ Երևան»-«Ալաշկերտ», «Շիրակ»-«Նոա», «Փյունիկ»-«Գանձասար-Կապան», «Արարատ»- «Արարատ-Արմենիա»,  «Ուրարտու»-«Լոռի ՖԱ»: 

Այժմ Հայաստանի առաջնության բարձրագույն խմբի մրցաշարային աղյուսակը գլխավորում է «Լոռի»-ն, որն ունի 28 միավոր: 27-ական միավոր ունեն «Արարատ-Արմենիա»-ն, «Ալաշկերտ»-ը և «Արարատ»-ը: 25 միավորով 5-րդ տեղում «Շիրակ»-ն է, «Նոա»-ն ունի 24 միավոր: «Փյունիկ»-ն իր ակտիվում հավաքել է 20, «Ուրարտու»-ն` 17, «Գանձասար-Կապան»-ը` 14: Միավոր չունի «Երևան»-ը: