ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: «Ռոսկոմնադզորն» Apple-ին եւ Google-ին պահանջներ Է հղել ընկերությունների հավելվածների խանութներից Telegram մեսենջերը հեռացնելու վերաբերյալ:

Այդ մասին, ինչպես տեղեկացնում Է «Արմենպրես»-ը, «Ինտերֆաքս»-ին հայտնել են գերատեսչության մամուլի ծառայությունում: «Ռոսկոմնադզորն» Apple-ին եւ Google-ին պահանջ Է հղել այդ ընկերությունների հավելվածների խանութներից Telegram-ի հավելվածները հեռացնելու մասին: Պատասխանը պետք Է դառնա Telegram-ի հավելվածների հեռացումը»,- հայտարարել են «Ռոսկոմնադզորի» մամուլի ծառայությունում:

Ավելի վաղ գերատեսչությունում նաեւ խոստացել են արգելափակել Telegram-ի աշխատանքին նպաստող ինտերնետ-ռեսուրսները: Նախօրյակին «Ռոսկոմնադզորն» սկսել Է Telegram մեսենջերի արգելափակումը: Ապրիլի 16-ի երեկոյան գերատեսչության ղեկավար Ալեքսանդր Ժարովը հայտնել Է, որ արգելափակվել են մեսենջերի ինը հազար սեփական IP-հասցեներ, ինչպես նաեւ Amazon ծառայության գրեթե 600 հազար IP-հասցեներ, ուր գաղթել Է Telegram-ը: Նաեւ Ժարովը հայտնել Է առաջիկայում ներսարված ռեսուրսի եւս ավելի քան կես միլիոն IP-հասցեների արգելափակման մասին: