ԵՐԵՎԱՆ, 4 ՀՈՒՆՎԱՐԻ, ԱՐՄԵՆՊՐԵՍ: Հայաստանի ազատ ոճի ըմբշամարտի հավաքականի անդամ Վազգեն Թևանյանը կմասնակցի Զագրեբի բաց մրցաշարին:
«Արմենպրես»-ի հաղորդմամբ` այս մասին հայտնել է Ըմբշամարտի միջազգային ֆեդերացիան: Հայաստանի հավաքականի անդամ Վազգեն Թևանյանը հանդես կգա 65 կգ քաշային կարգում: Նա կլինի Հայաստանի միակ ներկայացուցիչը:
Զագրեբի բաց մրցաշարին կմասնակցի մոտ 500 մարզիկ տարբեր երկրներից: Մրցաշարը կմեկնարկի հունվարի 10-ին: