Վիգեն Սարգսյանը «Ռոստեխ»-ի փոխտնօրենի հետ քննարկվել է ՀՁ-ների ստեղծման հեռանկարները
ՍՏԵՓԱՆԱԿԵՐՏ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Սպառազինության և պաշտպանական տեխնոլոգիաների «ArmHiTec-2016» առաջին միջազգային ցուցահանդեսի շրջանակներում հոկտեմբերի 13-ին կայացել է ՀՀ պաշտպանության նախարար Վիգեն Սարգսյանի հանդիպումը Ռուսաստանի Դաշնության «Ռոստեխ» պետական կորպորացիայի գլխավոր տնօրենի տեղակալ Դմիտրի Շուգաևի հետ:
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության եւ հասարակայնության հետ կապերի վարչությունից,
հանդիպման ընթացքում քննարկվել են տեղեկատվական տեխնոլոգիաների, պաշտպանության ու անվտանգության համալիր համակարգերի ուղղություններով արտադրական կոոպերացիայի և համատեղ ձեռնարկությունների ստեղծման հեռանկարները:
ՀՀ պաշտպանության նախարարը հյուրին մաղթել է հաջողություն և արդյունավետ գործունեություն «ArmHiTec-2016» միջազգային ցուցահանդեսի ընթացքում և նշել է համագործակցության շարունակական զարգացման անհրաժեշտությունը` ուղղված երկու երկրների անվտանգության ու կայունության ամրապնդմանը:
Բաժանորդագրվեք մեր ալիքին Telegram-ում