Ադրբեջանում թմրանյութեր աճեցնող իշխանավորներ են ձերբակալվել
18:18, 31 Մայիս 2016
ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Ադրբեջանի կազմակերպված հանցագործության դեմ պայքարի գլխավոր վարչության կողմից Զաքաթալա քաղաքում անցկացված հատուկ գործողության ընթացքում ձերբակալվել են շրջանի գործադիր իշխանության ներկայացուցիչներ, որոնք զբաղվել են անտառում թմրանյութերի աճեցմամբ:
Այս մասին, ինչպես հաղորդում է «Արմենպրես»-ը, հայտնում է ԱՊԱ լրատվական գործակալությունը` նշելով, որ նրանց մոտից առգրավվել են զենք եւ թմրանյութեր:
Նշվում է, որ ձերբակալվել են Զաքաթալա քաղաքի գործադիր իշխանության ղեկավարի տեղակալ Մագոմեդ Քալաշեվը, Ռամին Շաբանովը, Շամիլ Շիխամիրովը եւ այլ պատասխանատու անձինք:
Բաժանորդագրվեք մեր ալիքին Telegram-ում