Ֆրանսիական նավն առաջիկա ժամերին կսկսի A320 ինքնաթիռի «սեւ արկղերի» որոնումը
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Ֆրանսիական նավն առաջիկա ժամերին կսկսի եգիպտական A320 մարդատար ինքնաթիռի «սեւ արկղերի» որոնման գործողությունը, որն անցած շաբաթ աղետի Է ենթարկվել Միջերկրական ծովում: Այդ մասին, ինչպես տեղեկացնում Է «Արմենպրես»-ը, հայտնել Է Al Jazeera հեռուստաալիքը՝ հղում անելով ավիաղետի հետաքննության եգիպտական հանձնաժողովի ղեկավար Այման ալ Մուքադամին:
Նրա խոսքով՝ «մի քանի ժամվա ընթացքում ֆրանսիական նավը ձեռնամուխ կլինի A320 ինքնաթիռի «սեւ արկղերի» որոնմանը»:
Ավելի վաղ Մուքադամը հայտնել Է, որ Միջերկրական ծովում որսացել են EgyptAir ավիաընկերության կործանված A320 հանրանավի վթարային ռադիոփարոսի ազդանշանը: Ազդանշանների հիման վրա հինգ կիլոմետր շառավղով որոշվել Է փարոսի գտնվելու շրջանը: Ալ Մուքադամը պարզաբանել Է, որ Airbus ինքնաթիռը հանդերձված Է երեք այդպիսի սարքերով, որոնցից մեկը տեղակայված Է պոչամասում: Հենց դա Էլ ներկայում փնտրում են որոնողները:
EgyptAir ավիաընկերության մարդատար ինքնաթիռը, որը կատարում էր Փարիզ- Կահիրե MS804 չվերթը, ռադարներից անհետացել է մայիսի 19-ի վաղ առավոտյան Միջերկրական ծովի վրա Եգիպտոսի օդային տարածքում: Օդանավում եղել են 66 ուղեւորներ եւ անձնակազմի անդամներ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում