ՌԴ առողջապահության նախարարությունը հայտարարել է երկրում գրիպի համաճարակի մասին
20:10, 18 Հունվար 2016
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Ռուսաստանի առողջապահության նախարար Վերոնիկա Սկվարցովան հայտարարել է, որ երկրում գրիպի համաճարակը ժամանակից շուտ է սկսվել: Ինչպես հաղորդում է «Արմենպրես»-ը, այս մասին հայտնում է «Ինտերֆաքս»-ը: «Մեզ համար սա շուտ է: Նախկինում ամեն ինչ ավելի ուշ էր լինում»,- լրագրողներին ասել է նախարարը:
Նրա խոսքով՝ այս տարի գրիպի համաճարակը ՌԴ-ում կտարածվի ոչ միայն Չինաստանի հյուսիսային շրջաններից, ինչպես սովորաբար լինում է, այլ նաև Ուկրաինայից, որտեղ արդեն արտակարգ իրավիճակ է:
Բաժանորդագրվեք մեր ալիքին Telegram-ում