Բրյուսելի եւ Փարիզի միջեւ գնացքների երթեւեկությունը դադարեցված Է մալուխների հրկիզման պատճառով
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Բրյուսելը Փարիզի եւ Լոնդոնի հետ կապող Thalys եւ Eurostar արագընթաց գնացքների երթեւեկությունը նոյեմբերի 30-ի առավոտյան դադարեցվել Է տեղամասերից մեկում՝ Բելգիայի Էնո նահանգում՝ Ֆրանսիայի հետ սահմանի մերձակայքում, երթեւեկության կառավարման համակարգի մալուխների հրկիզման պատճառով: Այդ մասին, ինչպես տեղեկացնում Է «Արմենպրես»-ը, հաղորդել Է Բելգիայի երկաթուղիների գործարկուի՝ Infrabel ընկերության մամուլի ծառայությունը:
«Երթեւեկությունը լիովին դադարեցված Է Բրյուսել-Լիլ տեղամասում: Սկզբում մենք ենթադրում Էինք, որ մալուխը գողացել են, սակայն ոստիկանությունը պարզել Է, որ գնացքների երթեւեկության կառավարման երկաթուղային ազդանշանների համակարգի մալուխները հրկիզվել են Ատ բնակավայրի մերձակա չորս տարբեր վայրերում»,-հայտնել Է ընկերությունը:
Ոստիկանությունը եւ դատախազությունը միջադեպի հետաքննություն են սկսել, որն ըստ Էության դիվերսիա Է: Ընկերությունը նախատեսում Է առաջիկա ժամերին ավարտել նորոգումը եւ վերսկսել գնացքների երթեւեկությունը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում