Կամերային նվագախումբը հանդես կգա 1988-ի երկրաշարժի տարելիցին նվիրված համերգով
18:22, 27 Նոյեմբեր 2015
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի պետական կամերային նվագախումբը հանդես կգա 1988-ի երկրաշարժի տարելիցին նվիրված համերգով: Ինչպես «Արմենպրես»-ին տեղեկացրին նվագախմբից, «Adagio» խորագրով համերգը տեղի կունենա դեկտեմբերի 7-ին Կոմիտասի անվան կամերային երաժշտության տանը:
Համերգը կղեկավարի նվագախմբի գեղարվեստական ղեկավար և գլխավոր դիրիժոր Վահան Մարտիրոսյանը:
Ծրագրում կհնչեն Ալբիոնիի, Մալերի, Բարբերի, Բորոդինի, Չայկովսկու, Բախի, Մարչելոյի, Միրզոյանի, Բաբաջանյանի գործերը:
Բաժանորդագրվեք մեր ալիքին Telegram-ում