ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Սուրբծննդյան ավանը, որն արդեն դարձել Է Բրյուսելի ավանդական նախաամանորյա տեսարժան վայրը, նոյեմբերի 27-ին կրկին իր դռներն Է լայնորեն բացել Բելգիայի մայրաքաղաքի հյուրերի ու բնակիչների առջեւ, տեղեկացնում Է «Արմենպրես»-ը՝ հղում անելով ՌԻԱ Նովոստիին:

Չնայած ահաբեկչության սպառնալիքին, մայրաքաղաքի իշխանությունները որոշել են չեղյալ չհայտարարել միջոցառումը, որին ցուցադրողները պատրաստվում Էին գրեթե ամբողջ տարին:

Ինչպես եւ նախորդ տարիներին, այսպես կոչված «ձմեռային հաճույքների» հարթակ Է դարձել ձկան հին շուկայի շրջանում՝ Սեն-Կատրինում Գրան պլյասի հարեւանությամբ գտնվող հրապարակը, որտեղ տեղավորված են իրենց ձկնամթերքով առավել հայտնի ռեստորանները:

Սուրբծննդյան ավանում կարելի Է համտեսել ոչ միայն բրյուսելցիների կողմից շատ սիրված որթատունկերի խխունջները, այլեւ անուշ անել ոստրեներ, պանրի, երշիկի տեսակներ եւ հնարավոր ամեն տասակ քաղցրավենիք:   

Բացի այդ, ընդհանուր առմամբ ավելի քան 200 Սուրբծննդյան տնակների վաճառասեղաններից, որոնք տեղադրած են Սեն-Կատրինում, ցանկացողները կարող են համտեսել բելգիական ավանդական հրուշակեղենը՝ վաֆլիից պատրաստված «գոֆրա» կարկանդակը, որը թխում են հենց տեղում, եւ երեխաների համար այնքան սիրելի քաղցր բամբակը՝ «հայրիկի մորուքը»:   

Քանի որ այս տարի Սուրբծննդյան ավան հրավիրված երկիր Է դարձել Թունիսը, Սեն Կատրինում կարելի Է համտեսել նաեւ ամենատարբեր միջերկրածովյան ճաշատեսակներ ու քաղցրավենիք: Բնականաբար, Բելգիայում ցանկացած տոնական միջոցառում չի կարող անցնել առանց տեղական գարեջրի համտեսման:

Նրանց համար, ում չեն հետաքրքրում գաստրոնոմիական հաճույքները, Սուրբծննդյան ավանն առաջարկում Է հուշանվերների լայն ընտրանի:

Լուսանկարը` AFP