Հայաստանը հետևում է ռուս-թուրքական զարգացումներին. Շավարշ Քոչարյան
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Հայաստանը ողջունում է, որ Ռուսաստանը ճանաչել է Հայոց ցեղասպանությունը և միշտ կողմ է եղել, որ ՌԴ-ում ընդունվի նաև ցեղասպանության ժխտումը քրեկանացնող օրենք, որն այսօրվա դրությամբ ընդունել է չորս պետություն: «Այնպես որ, տեսնենք ինչպիսին կլինեն զարգացումները»,- «Արմենպրես»-ի փոխանցմամբ՝ այդ մասին կառավարության նիստից հետո լրագրողների հետ զրույցում նշեց ՀՀ արտաքին գործերի նախարարի տեղակալ Շավարշ Քոչարյանը՝ անդրադառնալով հարցին, թե ինչպես է վերաբերվում ՌԴ Պետական Դումա ներկայացված Հայոց ցեղասպանության ժխտումը քրեականացնող օրենսդրական նախաձեռնությանը:
Հարցին՝ Ռուսաստան-Թուրքիա հարաբերությունների վատթարացումը ինչպես կարող է անդրադառնալ Հայաստանի վրա, փոխարտգործնխարարն ասաց, որ դա այն խնդիրն է, որ վերաբերում է մի կողմից մեր դաշնակցին, մյուս կողմից՝ մեր անմիջական հարևանին: Դրա համար էլ Հայաստանը պետք է հետևի բոլոր զարգացումներին:
Բաժանորդագրվեք մեր ալիքին Telegram-ում