368.05
Վահան Մարտիրոսյանի գլխավորած «Ներազգային ազատագրական շարժում»-ն իրավաբանորեն գոյություն չունի
1 րոպեի ընթերցում
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանից քաղաքական ապաստան խնդրած Վահան Մարտիրոսյանի հռչակած «Ներազգային ազատագրական շարժում» նախաձեռնությունն իրականում գոյություն չունի:
Ինչպես հաղորդում է «Արմենպրես»-ը, Հայաստանի Հանրապետության կառավարության պետական ռեգիստրում արված որոնումը ցույց տվեց, որ «Ներազգային ազատագրական շարժում» անվամբ գրանցված որևէ կառույց իրավաբանորեն գոյություն չունի:
Հայաստանի Ազգային անվտանգության ծառայությունը ստուգումներ է իրականացնում պարզելու «Ներազգային ազատագրական շարժում» նախաձեռնության ղեկավար Վահան Մարտիրոսյանի կողմից Ադրբեջանից քաղաքական ապաստան խնդրելու տեղեկատվության իսկությունը: Ադրբեջանական լրատվամիջոցները, վկայակոչելով Ադրբեջանի նախագահին կից գործող պետական խորհրդի ղեկավարին, տեղեկություն են տարածել, որ Ադրբեջանն արդեն դրական պատասխան է տվել Վահան Մարտիրոսյանի կողմից քաղաքական ապաստան ստանալու խնդրագրին: Աղբյուրը նշում է, որ Վահան Մարտիրոսյանն արդեն Ադրբեջանում է իր ընտանիքի անդամների հետ և պատրաստվուըմ է սեպտեմբերի 18-ին Բաքվում մամուլի ասուլիսով հանդես գալ:
Բաժանորդագրվեք մեր ալիքին Telegram-ում