Հանրապետության հրապարակից բերման ենթարկված 7 քաղաքացիներն ազատ են արձակվել
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Հանրապետության հրապարակից ոստիկանության Կենտրոնի բաժանմունք բերման են ենթարկվել 7 քաղաքացիներ, որոնք արդեն ազատ են արձակվել և շուտով կմիանան իրենց ընկերներին: «Արմենպրես»-ի հաղորդմամբ` այս մասին Հանրապետության հրապարակում ցուցարարներին հայտնեց Երևանի փոխոստիկանապետ Վալերի Օսիպյանը: Նա նաև հայտարարեց, որ ոստիկանությունը չի պատրաստվում խոչընդոտել «Ոչ թալանին» նապաձեռնության անդամների երթը դեպի Հանրապետության հրապարակ:
Նրա խոսքով՝ «Ոչ թալանին» նախաձեռնության երթը և հավաքն անօրինական են, սակայն ոստիկանությունը հանդուրժողականություն է դրսևորում:
Էլեկտրաէներգիայի թանկացմանը դեմ «Ոչ թալանին» նախաձեռնության անդամները Բաղրամյան պողոտայում դադարեցրել են բողոքի ակցիան և երթով շարժվել Հանրապետության հրապարակ:
Բաժանորդագրվեք մեր ալիքին Telegram-ում