ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի Ընտրական հանձնաժողովը հանձնարարել Է վերաձեւակերպել այն հարցը, որը պլանավորվում Է առաջադրել ԵՄ-ին անդամակցության հանրաքվեի ժամանակ, տեղեկացնում Է «Արմենպրես»-ը՝ հղում անելով BBC-ին:

Այս պահին որպես հիմնական քննարկվում Է հարցի հետեւյալ տարբերակը. «Միացյալ Թագավորությունը պե՞տք Է արդյոք մնա Եվրամիության անդամ»:

Սակայն Ընտրական հանժնաժողովի կարծիքով՝ նման կերպ ձեւակերպված հարցը կարող Է ընկալվել որպես կանխակալ:

Հանձնաժողովն առաջարկում Է հարցը ձեւակերպել հետեւյալ կարպ. «Պե՞տք Է արդյոք Միացյալ Թագավորությունը մնա Եվրամիության անդամ կամ դուրս գա Եվրամիությունից»: 

Մեծ Բրիտանիայի իշխանությունները մտադիր են հանրաքվեն անցկացնել մինչեւ 2017 թվականի վերջը: Եվրամիությանն անդամակցման վերաբերյալ վերջնական որոշումը խորհրդարանինն Է:

Լուսանկարը` AFP