Ուկրաինայից ՀՀ տեղափոխված մեր հայրենակիցները կենսաթոշակ կստանան ՀՀ օրենսդրությամբ սահմանված կարգով
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Ուկրաինայում տեղի ունեցած դեպքերի հետ կապված Հայաստանի Հանրապետությունում բնակություն հաստատած անձանց սոցիալական իրավունքներն ապահովելու նպատակով կառավարավությունն ընդունել է համապատասխան որոշում: Ինչպես փոխանցում է «Արմենպրես»-ը` կլառավարության նիստում ՀՀ աշխատանքի և սոցիալական հարցերի նախարար Արտեմ Ասատրյանը նշեց, որ վերջիններիս կենսաթոշակ, ինչպես նաև ծերության նպաստ, հաշմանդամության նպաստ, կերակրողին կորցնելու դեպքում նպաստ կնշանակվի և կվճարվի ՀՀ օրենսդրությամբ սահմանված կարգով` հաշվի առնելով սույն որոշման դրույթները: Մասնավորապես, որոշ դեպքերում համապատասխան փաստաթղթերը չեն պահանջվի:
Սոցիալական ոլորտին վերաբերող մեկ այլ որոշմամբ` 2016 թվականը Հայաստանում հայտարարվեց հաշմանդամություն ունեցող անձանց համար հավասար հնարավորությունների տարի: Կառավարությունը հավանություն տվեց նաև այդ կապակցությամբ անցկացվելիք միջոցառումների ցանկին:
Բաժանորդագրվեք մեր ալիքին Telegram-ում