ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Տևական ընդմիջումից հետո Հայաստանի ֆուտբոլի առաջնության փոխչեմպիոնը՝ Երևանի «Ուլիս» ակումբը, սկսել է իր մարզումները: Այս մասին «Արմենպրես»-ին տեղեկացրին «Ուլիս»-ի մամուլի ծառայությունից:

Ներկայում թիմում փորձաշրջան են անցնում միանգամից 25 ֆուտբոլիստներ: Առայժմ նոր պայմանագրերի մասին խոսելը վաղ է, բայց հաշվի առնելով այն հանգամանքը, որ օգոստոսի 2-ին «Ուլիս»-ը ՀՀ Բարձրագույն խմբի առաջնության առաջին խաղն է անցկացնելու, թիմի մարզչական կազմին շատ ծանր աշխատանք է սպասվում:

Փորձաշրջան անցնող ֆուտբոլիստները ժամանակին հանդես են եկել տարբեր ակումբների երիտասարդական թիմերում` Մոսկվայի «Սպարտակ»- ում, «Լոկոմոտիվ»- ում, ԲԿՄԱ-ում, «Կրասնոդար»- ում, «Ալանիա»- ում, «Զենիթ»- ում: Կան խաղացողներ նաև Աֆրիկայից: Բացի այդ «Ուլիսի» կազմում մարզվում են Նարեկ Գյոզալյանը, Նարեկ Դավթյանը, Արտաշես Առաքելյանը: