Սերբիայի նախագահը Բելգրադում բացել է Ավստրիայի էրցհերցոգ Ֆրանց Ֆերդինանդին սպանողի հուշարձանը
10:53, 29 Հունիս 2015
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Բելգրադում կանգնեցրել են բոսնիացի ուսանող Գավրիլո Պրինցիպի հուշարձանը, տեղեկացնում է «Արմենպրես»-ը՝ հղում անելով Reuters-ին:
101 տարի առաջ՝ 1914 թվականի հունիսի 28-ին, Պրինցիպը գնդակահարել է Ավստրիայի էրցհերցոգ Ֆրանց Ֆերդինանդին, ինչն Առաջին համաշխարհային պատերազմի առիթ դարձավ:
«Գավրիլո Պրինցիպը հերոս էր, նա ազատագրման գաղափարի խորհրդանիշն էր»,- հայտարարել է Սերբիայի նախագահ Տոմիսլավ Նիկոլիչը հուշարձանի բացման արարողությանը: «Ուրիշները կարող են մտածել՝ ինչ ցանկանում են»,- հավելել է քաղաքական գործիչը:
Երկմետրանոց բրոնզաձույլ արձանը Սերբիայի Հանրապետությանն է նվիրել հարեւան տարածաշրջանը՝ Բոսնիան: Հուշարձանը կանգնեցվել է Սերբիայի կառավարության կենտրոնակայանի մերձակա պուրակում:
Բաժանորդագրվեք մեր ալիքին Telegram-ում