ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Թենիսի մեծ սաղավարտի չորս մրցաշարերից հերթական` Ֆրանսիայի բաց առաջնությունում, աշխարհի առաջին ռակետ Նովակ Ջոկովիչը դուրս եկավ Ռոլան Գարոսի 4-րդ շրջան: 3-րդ շրջանում Ջոկովիչը հաղթեց բոլոր երեք սեթերում էլ` 6-4, 6-4, 6-4 հաշվով` հետագա պայքարից դուրս թողեց Տանասի Կոկիննակիսին: Հաջորդ շրջան են դուրս եկել նաև Օլիմպիական խաղերի չեմպիոն Մարեյը, Նիշիկորին, Գաբաշվիլի, Ցոնգան, Վավրինկան, Ֆեդերերը և այլք: Կանանց պայքարում 4-րդ շրջանում հանդես կգան Շարապովան, Սաֆավարովան, Մուգուրազան, Իվանովան, Մակարովան, Միտուն:

«Արմենպրես»-ի հաղորդմամբ, Ֆրանսիայի բաց առաջնությունն անցկացվում էր արդեն 124-րդ անգամ: Ֆրասիայի բաց առաջնության գործող չեմպիոնն իսպանացի Ռաֆայել Նադալն է, ով «Ռոլան Գարոս»-ում հաղթել է 9 անգամ: Կանանց պայքարում 2014 չեմպիոնը ռուս Մարիա Շարապովան է: