ԱՐՏԱՇԱՏ, 23 ՄԱՅԻՍԻ, ԱՐՄԵՆՊՐԵՍ: Արտաշատի քաղաքային մարզադաշտում մայիսի 23-ին մեկնարկեց Աթլետիկայի Հայաստանի տղամարդկանց եւ կանանց առաջնությունը, որին մասնակցում են ավելի քան 200 մասնակիցներ Արարատի, Սյունքի, Շիրակի, Լոռու, Կոտայքի մարզերից, Երեւանից եւ Արցախից: Երկու օր տեւող հուշամրցաշարում մարզիկները կմրցեն ավելի քան 15 մարզաձեւերում` վազք 100 մ, 200 մ, 400 մ, 800 մ, 1500 մ, 3000 մ, արգելավազք, հեռացատկ, եռացատկ, բարձրացատկ, գնդի հրում, սկավառակի, մուրճի նետում, փոխանցումավազք  4x100 մ, 4x400 մ մրցաձեւերից: Առաջնության ավարտին կորոշվեն ՀՀ աթլետիկայի չեմպիոնները:

«Արմենպրես»-ի փոխանցմամբ՝ առաջնությանը ներկա էին հանրապետության մարզադպրոցների բազմաթիվ մարզիչներ, սպորտի վարպետներ: Մրցաշարին կհետեւեն ավելի քան 40 մրցավարներ: Գլխավոր մրցավարն է միջազգային կարգի մրցավար Տիգրան Սիմոնյանը: Մայիսի 24-ին կամփոփվեն արդյուները եւ կկայանա առաջնության հանդիսավոր փակումը: Հաղթողները կպարգեւատրվեն գավաթով, մեդալներով եւ պատվոգրերով: