Մխիթարյանն ամռանը կարող է հեռանալ «Բորուսիա»-ից
ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ:Հայաստանի ազգային թիմի և Դորտմունդի «Բորուսիա»-ի ֆուտբոլիստ Հենրիխ Մխիթարյանը ամռանը կլքի գերմանական ակումբը:
«Արմենպրես»-ի հաղորդմամբ, այս մասին գրում է գերմանական հեղինակավոր Kicker պարբերականը: Երբ հայտնի դարձավ, որ Կլոպը ամռանը հեռանալու է Դորտմունդից, Մխիթարյանը ևս կհեռանա «Բորուսիա»-ից: Ըստ գերմանական աղբյուրի՝ Մխիթարյանի համար հնարավոր տարբերակ է Թուրինի «Յուվենտուս»-ը:
Ավելի վաղ հայ կիսապաշտպանը իր շնորհակալությունն է հայտնել Յուրգեն Կլոպին: «Ինձ համար մեծ պատիվ էր աշխատել Ձեզ հետ: Ձեր պրոֆեսիոնալիզմն այնքան բարձր է, գործին Ձեր նվիրումը և աշխատասիրությունը մեծ ազդեցություն ունեցան իմ կարիերայի հարցում: Մարզիչ, շնորհակալություն վստահության համար, ձեր դրական ներդրման համար»,-իր ֆեյսբուքյան էջում գրել է Մխիթարյանը:
Լուսանկարը` Հենրիխ Մխիթարյանի ֆեյսբուքյան էջից
Բաժանորդագրվեք մեր ալիքին Telegram-ում