Երևանի պետական կրկեսի սաները ելույթ են ունեցել Արցախում
ՍՏԵՓԱՆԱԿԵՐՏ, 27 ՓԵՏՐՎԱՐԻ, ԱՐՄԵՆՊՐԵՍ-ԱՐՑԱԽՊՐԵՍ: Երևանի պետական կրկեսի և Լեոնիդ Ենգիբարյանի անվան կրկեսային ստուդիա-դպրոցի սաները Ստեփանակերտի մշակույթի և երիտասարդության պալատում փետրվարի 27-ին հանդես են եկել ներկայացմամբ: «Արմենպրես»-ի հաղորդմամբ` Երևանի պետական կրկեսի գեղարվեստական ղեկավար, գլխավոր ռեժիսոր Նաիրա Պետրոսյանն «Արցախպրես»-ի հետ զրույցում նշել է, որ կրկեսն Արցախում է եռօրյա այցով: «Փետրվարի 27-ին ներկայացմամբ հանդես կգանք նաև Մարտակերտ քաղաքում: Մեր այցելությունները շարունակական են լինելու և արդեն մի քանի տարի է, ինչ Արցախում ներկայացումներ ենք ունենում, որոնց շրջանակներում եղել ենք սահմանամերձ բոլոր զորամասերում, ինչպես նաև դիրքերում»,-ասել է Նաիրա Պետրոսյանը։
Միջոցառմանը ներկա են եղել Ստեփանակերտի քաղաքապետ Սուրեն Գրիգորյանը, Երևանի Դավթաշեն վարչական շրջանի ղեկավար Ռուսլան Բաղդասարյանը, Երևանից ժամանած հյուրեր, ուսուցիչներ և աշակերտներ։
Միջոցառումը նախաձեռնել է Ստեփանակերտի քաղաքապետարանը:
Բաժանորդագրվեք մեր ալիքին Telegram-ում