ՌԴ ԱԳՆ-ն դատապարտել է Գյումրիի դեպքը
ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ: Ռուսաստանի Դաշնության արտաքին գործերի նախարարությունը հայտարարություն է տարածել Գյումրիում տեղի ունեցած ողբերգական իրադարձության կապակցությամբ, որի արդյունքում 6 մարդ է սպանվել:
Ինչպես հաղորդում է «Արմենպրես»-ը՝ վկայակոչելով ՌԴ արտաքին գործերի նախարարության պաշտոնական կայքը, հայտարարության մեջ մասնավորապես ասված է. «Հայկական կողմի հետ միասին մենք ցնցված ենք Գյումրիում խաղաղ բնակիչների դեմ իրականացված ահավոր հանցագործությամբ: Խորապես ցավակցում ենք զոհվածների հարազատներին և մտերիմներին: Ծանր վիրավոր երեխային մաղթում ենք շուտափույթ ապաքինում: Ռուսաստանի Դաշնության պատասխանատու մարմինները Հայաստանի իշխանություններին բոլոր հնարավոր եղանակներով աջակցում են ողբերգության բոլոր մեղավորներին հայտնաբերելու և ամենախիստ պատասխանատվության ենթարկելու գործում»:
Բաժանորդագրվեք մեր ալիքին Telegram-ում