1000х90.jpg (78 KB)

Երևանում՝ 11:07,   29 Մարտ 2024

ԼՂՀ վարչապետը բացառում է Հայաստանի և Արցախի միջև մաքսակետ տեղադրելու հնարավորությունը

ԼՂՀ վարչապետը բացառում է Հայաստանի և Արցախի միջև մաքսակետ 
տեղադրելու 
հնարավորությունը

ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: Եվրասիական տնտեսական միությանը Հայաստանի անդամակցությունից հետո Արցախի և Հայաստանի միջև մաքսակետ չի լինելու: Այս մասին Հայաստանի տնտեսագիտական համալսարանում ուսանողների հետ հանդիպմանն ասաց ԼՂՀ վարչապետ Արա Հարությունյանը՝ պատասխանելով ուսանողներից մեկի հարցին: «Ես բացառում եմ Արցախի և Հայաստանի միջև մաքսակետի առկայությունը: Նման բան ուղղակի չի կարող լինել»,- «Արմենպրես»-ի հաղորդմամբ՝ ասաց Հարությունյանը:

Նա նշեց, որ նույնիսկ անհնար է պատկերացնել, որ Հայաստանի և Արցախի միջև կարող է մաքսակետ լինել: «Նման բան ուղղակի հնարավոր չէ և չի կարող լինել: Որքան էլ դա ուզենան, այդպիսի բան ուղղակի չի լինի»,- ընդգծեց ԼՂՀ վարչապետը:

Հայաստանի եւ Արցախի միջեւ մաքսակետի տեղադրման հարցն առաջացել է Հայաստանի` Եվրասիական տնտեսական միություն մտնելու որոշումից հետո: Նախատեսվում է, որ ԵՏՄ հիմնադիր փաստաթղթերին Հայաստանի միանալու հարցում հստակություն կլինի հոկտեմբերի 10-ին Մինսկում` ԵՏՄ պայմանագիրը մայիսի 29-ին ստորագրած երկրների ղեկավարների հանդիպմանը: Մինսկ է մեկնելու նաեւ ՀՀ Նախագահ Սերժ Սարգսյանը:   


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]