Հղի կանանց սրտխառնոցն առողջ երեխայի գրավականն Է. գիտնականներ
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Գիտնականները պարզել են, որ այն կանայք, ովքեր հղիության ընթացքում առավոտյան սրտխառնոց են զգում, ավելի առողջ երեխաներ են ծննդաբերում, քան նրանք, ովքեր նման ախտանշաններ չունեն, տեղեկացնում Է «Արմենպրես»-ը՝ հղում անելով BBC-ին:
Բացի դրանից, հղիության ընթացքում սրտխառնոցը նաեւ կապված Է ավելի քիչ թվով վիժումների եւ ծննդաբերության ժամանակ արատների հետ, ասված Է հետազոտության մեջ, որը հրապարակվել Է Reproductive Toxicology հանդեսում:
Գիտնականների տվյալներով՝ երեխան կրելու ընթացքում տոքսիկոզի ախտանշաններ Է զգում կանանց շուրջ 85 տոկոսը:
Համարվում Է, որ դրանք առաջանում են այդ թվում հղի կնոջ օրգանիզմում խորիոնիկ գոնադոպրիինի՝ այն հորմոնի պարունակության աճով, որն արտադրում Է ընկերքը, նշում Է Wall Street Journal-ը:
Այս, ինչպես նաեւ, հնարավոր Է, այլ հորմոնների հարաբերականորեն բարձր մակարդակը նպաստում Է ավելի բարենպաստ ներարգանդային մթնոլորտի ստեղծմանը, նշում են գիտնականները:
Բաժանորդագրվեք մեր ալիքին Telegram-ում