ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Հայաստանի պաշտպանության նախարարությունը մանրամասն դիտարկում է բոլոր երկրների բանակներում կատարվող ինքնասպանությունները և համեմատություններ կատարում: Այդ մասին ֆեյսբուքյան իր էջում գրել է ՀՀ պաշտպանության նախարարի մամուլի քարտուղար Արծրուն Հովհաննիսյանը:

«Մինչեւ այս տարվա հուլիսի կեսեր ԱՄՆ-ի բանակում գրանցվել է զինծառայողների ինքնասպանության 161 դեպք: Անցած տարվա նույն ժամանակահատվածում եղել է նման 154 միջադեպ: Ինքնասպանությունների թիվը մեծացել է ծովային հետեւակում, իսկ ռազմածովային ուժերում ընդհանրապես եւ ռազմաօդային ուժերում նման դեպքերի թիվը նվազել է:

2013 թվականին ամերիկյան բանակում ինքնասպանությունների ընդհանուր թիվը, 2012-ի համեմատ, կրճատվել է՝ 319-ից դառնալով 259, այսինքն՝ մոտ 20 տոկոսով: Մենք մանրամասն դիտարկում են բոլոր բանակներում կատարվող ինքնասպանությունները եւ համեմատություններ կատարում»,- «Արմենպրես»-ի փոխանցմամբ` նշել է Հովհաննիսյանը: