Թուրքիայում հարձակում են գործել քաղաքապետի վրա
13:03, 18 Ապրիլ 2014
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Անհայտ անձինք հարձակում են գործել Թուրքիայի իշխող «Արդարություն և զարգացում» կուսակցությունից Ռիզեի Չայելի գավառի քաղաքապապետ ընտրված Աթիլլա Էսմենի վրա: Ինչպես հաղորդում է «Արմենպրես»-ը, այս մասին տեղեկացնում է թուրքական CNN Turk-ը:
Տասն անհայտ անձից բաղկաղած խմբի անդամները հարձակվել են Էսմենի և նրա վարորդի վրա այն ժամանակ, երբ վերջիններս դուրս են եկել քաղաքապետարանի շենքից: Հարձակման արդյունքում երկուսն էլ դեմքերին և մարմիններ հարվածներ են ստացել: Նրանք տեղափոխվել են հիվանդանոց, որտեղ էլ առաջին օգնություն են ստացել ու դուրս գրվել:
Ոստիկանությունը քայլեր է ձեռնարկում հարձակումն իրականացրածներին հայտնաբերելու ու պատասխանատվության ենթարկելու համար:
Բաժանորդագրվեք մեր ալիքին Telegram-ում