Իշխան Զաքարյանն ընդունել է Հայաստանում ԱՄՆ դեսպան Ջոն Հեֆերնին
12:50, 18 Ապրիլ 2014
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Վերահսկիչ պալատում ապրիլի 16-ին տեղի է ունեցել ՎՊ նախագահ Իշխան Զաքարյանի և Հայաստանի Հանրապետությունում ԱՄՆ-ի դեսպան Ջոն Հեֆերնի պաշտոնական հանդիպումը: Ինչպես «Արմենպրես»-ին տեղեկացրին ՎՊ մամուլի ծառայությունից, Ջոն Հեֆերնը նշել է, որ իրենք արժևորում են Վերահսկիչ պալատի գործունեությունը, որն ուղղված է հրապարակայնությանն ու թափանցիկության ապահովմանը: Վերահսկողության մի շարք ոորտներում Վերահսկիչ պալատի հաջողություններն ակնհայտ են: Հանդիպմանը քննարկվել են նաև Վերահսկիչ պալատի բարեփոխումների ընթացքն ու հետագա անելիքները: Դեսպան Հեֆերնը պատրաստակամություն է հայտնել աջակցել Վերահսկիչ պալատին կարողությունների զարգացման տարբեր ծրագրերում:
Բաժանորդագրվեք մեր ալիքին Telegram-ում