ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Ամենայն հայոց բանաստեղծ Հովհաննես Թումանյանի տուն-թանգարանն այսուհետ բոլոր այցելուներին կներկայանա հետաքրքիր անակնկալով: Ինչպես հաղորդում է «Արմենպրես»-ը, այսուհետ բոլոր այցելուները կկարողանան թանգարանի սրահներից մեկում` Վերնատանը, տեսնել իրական Թումանյանին: Ամեն ինչ շատ իրական է ու միաժամանակ անհավանական. ացելուն հանդիպում է Թումանյանին, նստում, թերթ կարդում, թերթը դնում սեղանին, քայլում ու ժպտում:                      

 Մինչ Թումանյանին «հանդիպելը», այցելուն ինտերակտիվ խաղի մեջ  Է մտնում եւ ինչ-որ չափով կանխազգում, որ շուտով տեսնելու է մեծ գրողին:                                                Նմանատիպ ներկայացում Հայաստանում առաջին անգամ է կատարվում: Ի դեպ, ամբողջ աշխարհում նաեւ Պորտուգալիայում է նման բան իրականացվել:  

Ծրագիրն իրականացվում է ՀՀ առաջին տիկին Ռիտա Սարգսյանի օժանդակությամբ:

Դիտվել է 244 անգամ