ირანის ირგვლივ მიმდინარე პროცესები საკმაოდ შემაშფოთებელია, მოუთმენლად ველოდებით ვითარების სტაბილიზაციას - სომხეთის პრემიერ-მინისტრი
1 წუთი კითხვის
სომხეთის პრემიერ-მინისტრი ნიკოლ ფაშინიანი საკმაოდ შემაშფოთებლად მიიჩნევს ირანის ირგვლივ რეგიონში მიმდინარე პროცესებს. „არმენპრესის“ ცნობით, ამის შესახებ ფაშინიანმა ნიუ-იორკში „კონკორდიას“ ყოველწლიური სამიტის პანელურ დისკუსიაზე განაცხადა. ფაშინიანი ასევე შეეხო არსებული ვითარებით გამოწვეულ ცვლილებებს ნავთობპროდუქტების ბაზარზე.
„ბოლო პერიოდში ჩვენ შევძელით ჩვენი ნავთობ-ბენზინის ბაზრისა და იმპორტის ბაზრების დივერსიფიკაცია. ეს, რა თქმა უნდა, ფასის საკითხია, როგორც ყველგან, მაგრამ ის, რაც რეგიონში ირანის ირგვლივ ხდება, საკმაოდ შემაშფოთებელია ჩვენთვის და ჩვენ მოუთმენლად ველოდებით ვითარების სტაბილიზაციას“, - აღნიშნა პრემიერ-მინისტრმა.
სომხეთის რესპუბლიკის პრემიერ-მინისტრი ნიკოლ ფაშინიანი 22-25 სექტემბერს სამუშაო ვიზიტით ამერიკის შეერთებულ შტატებში იმყოფება.