2 წუთი კითხვის
ბაღდადში 8 სექტემბერს სომხეთის რესპუბლიკისა და ერაყის რესპუბლიკის საგარეო პოლიტიკურ უწყებებს შორის პოლიტიკური კონსულტაციები გაიმართა, რომელსაც სომხეთის საგარეო საქმეთა და საერთაშორისო ვაჭრობის მინისტრის მოადგილე ანი ავეტისიანი და ერაყის საგარეო საქმეთა მინისტრის მოადგილე მუჰამედ ბახრ ალ-ულუმი უძღვებოდნენ.
„არმენპრესის“ ცნობით, ამის შესახებ ინფორმაციას სომხეთის რესპუბლიკის საგარეო საქმეთა და საერთაშორისო ვაჭრობის სამინისტრო ავრცელებს.
შეხვედრისას ორმხრივი დღის წესრიგისა და მრავალმხრივი თანამშრომლობის საკითხთა ფართო წრე განიხილეს, მათ შორის სავაჭრო-ეკონომიკური კავშირების შემდგომი გაღრმავების გზები.
თანამოსაუბრეები ასევე შეეხნენ მაღალი ტექნოლოგიების, განათლებისა და ტურიზმის სფეროებში თანამშრომლობის წახალისებას, პირდაპირი ავიარეისების აღდგენის შესაძლებლობას, სახელშეკრულებო-სამართლებრივი ბაზის გაფართოებასა და საერთაშორისო პლატფორმებზე ურთიერთქმედების უფრო მეტად მჭიდროვებას.
აზრები გაიცვალა სამხრეთ კავკასიასა და ახლო აღმოსავლეთში მიმდინარე ბოლო მოვლენებსა და საერთაშორისო დღის წესრიგის ორმხრივი ინტერესის შემცველ ერთრიგ საკითხებზე.
პოლიტიკური კონსულტაციების დასასრულს ხელი მოეწერა მემორანდუმებს ახალგაზრდობისა და სპორტის სფეროებში თანამშრომლობის შესახებ, აგრეთვე სომხეთის საგარეო საქმეთა და საერთაშორისო ვაჭრობის სამინისტროს დიპლომატიურ აკადემიასა და ერაყის რესპუბლიკის საგარეო საქმეთა სამინისტროს საგარეო სამსახურის ინსტიტუტს შორის თანამშრომლობის თაობაზე.