„სამოქალაქო შეთანხმებამ“ სომხეთის პრეზიდენტს პრემიერ-მინისტრის პოსტზე ნიკოლ ფაშინიანის კანდიდატურის წარდგენის შესახებ დოკუმენტების პაკეტი წარუდგინა

პარტია „სამოქალაქო შეთანხმებამ“, როგორც ეროვნულ ასამბლეაში საპარლამენტო უმრავლესობის შემქმნელმა პოლიტიკურმა ძალამ, სომხეთის რესპუბლიკის კონსტიტუციის 149-ე მუხლით ხელმძღვანელობით, რესპუბლიკის პრეზიდენტს პრემიერ-მინისტრის პოსტზე ნიკოლ ფაშინიანის კანდიდატურის წარდგენის შესახებ საჭირო დოკუმენტების პაკეტი წარუდგინა - კონსტიტუციით გათვალისწინებული პრემიერ-მინისტრის დანიშვნის პროცედურის უზრუნველყოფის მიზნით.

„არმენპრესის“ ცნობით, ამის შესახებ ინფორმაციას პარტია ავრცელებს.

უფრო ადრე სომხეთის პრემიერ-მინისტრმა ნიკოლ ფაშინიანმა განაცხადა, რომ კონსტიტუციის თანახმად, ახლადმარჩეული ეროვნული ასამბლეის პირველი სესიის დღეს სომხეთის მთავრობამ გადადგომის შესახებ განცხადება წარადგინა.

პრემიერ-მინისტრმა ნიკოლ ფაშინიანმა ხელი მოაწერა მთავრობის გადადგომის შესახებ სომხეთის პრეზიდენტისადმი მიმართულ განცხადებას, რომელიც შემდგომ პრეზიდენტის ადმინისტრაციაში გაიგზავნა. სომხეთის რესპუბლიკის პრეზიდენტმა ვაჰაგნ ხაჩატურიანმა მთავრობის გადადგომა მიიღო.

სომხეთში 2 აგვისტოს ახლადმარჩეული პარლამენტის პირველი სესია მიმდინარეობს.