არმან სარგსიანმა თავდაცვის სამინისტროს ადმინისტრაციულ კომპლექსში სომხეთში ევროკავშირის სამოქალაქო მისიის ხელმძღვანელი მიიღო

სომხეთის თავდაცვის მინისტრის მოადგილემ არმან სარგსიანმა თავდაცვის სამინისტროს ადმინისტრაციულ კომპლექსში მიიღო სომხეთში ევროკავშირის სამოქალაქო მისიის ხელმძღვანელი სატუ კოივულა.

„არმენპრესის“ ცნობით, სომხეთის თავდაცვის სამინისტროს მიერ გავრცელებულ განცხადებაში აღნიშნულია, რომ შეხვედრისას განიხილეს სომხეთში ევროკავშირის სამოქალაქო მისიის საქმიანობასთან დაკავშირებული საკითხები.

არმან სარგსიანმა მიულოცა სატუ კოივულას სომხეთში ევროკავშირის მისიის ხელმძღვანელად დანიშვნა და წარმატებები უსურვა მისიაში.