1 წუთი კითხვის
საქართველოს შინაგან საქმეთა მინისტრი სულხან თამაზაშვილი პირველი ოფიციალური ვიზიტით სომხეთს ეწვევა.
„არმენპრესის“ ცნობით, ამის შესახებ აღნიშნულია საქართველოს შინაგან საქმეთა სამინისტროს მიერ გავრცელებულ განცხადებაში.
აღინიშნება, რომ ქართველი მინისტრის ვიზიტი სომხეთის რესპუბლიკის შინაგან საქმეთა მინისტრის, არპინე სარგსიანის მოწვევით შედგება.
„ვიზიტის ფარგლებში, სულხან თამაზაშვილი ორმხრივ შეხვედრას გამართავს სომხეთის რესპუბლიკის შინაგან საქმეთა მინისტრთან არპინე სარგსიანთან, ასევე დელეგაციასთან ერთად ეწვევა სომხეთის რესპუბლიკის საპოლიციო დანაყოფებს და ადგილზე გაეცნობა მათ საქმიანობას.
ოფიციალური ვიზიტის ფარგლებში ასევე დაგეგმილია საქართველოს შინაგან საქმეთა მინისტრის შეხვედრა სომხეთის რესპუბლიკის პრემიერ-მინისტრთან ნიკოლ ფაშინიანთან და სახელმწიფო უსაფრთხოების სამსახურის დირექტორთან ანდრანიკ სიმონიანთან“, - ნათქვამია სამინისტროს განცხადებაში.