მარტა კოსი სომხეთს 5 ივლისს ეწვევა

ევროკავშირის გაფართოების საკითხებში მინისტრი მარტა კოსი სომხეთს 5 ივლისს ეწვევა.

„არმენპრესის“ ცნობით, მარტა კოსმა ამის შესახებ X-ის საკუთარ მიკრობლოგში დაწერა, სადაც სომხეთის საგარეო საქმეთა მინისტრ არარატ მირზოიანთან შეხვედრის შესახებ ინფორმაცია წარადგინა.

Russia continues to intensify pressure on Armenia, trying to influence the country away from the democratic choice made by its people in the last elections.

I met Foreign Minister @AraratMirzoyan ahead of tomorrow’s Foreign Affairs Council, where we will discuss with Member… pic.twitter.com/ubtWxsYxLp

— Marta Kos (@MartaKosEU) June 14, 2026

კოსმა დაწერა, რომ რუსეთი აგრძელებს სომხეთზე ზეწოლის გააქტიურებას, რათა ქვეყანა დააშოროს იმ დემოკრატიულ არჩევანს, რომელიც სომეხმა ხალხმა ბოლო არჩევნებზე გააკეთა.

მან განაცხადა, რომ შეხვდა სომხეთის საგარეო საქმეთა მინისტრ არარატ მირზოიანს. კოსმა აღნიშნა, რომ 15 ივნისს ევროკავშირის საგარეო საქმეთა მინისტრების საბჭოს სხდომის ფორმატში გამართულ დისკუსიაზე ევროკავშირის წევრი ქვეყნები განიხილავენ, თუ როგორ შეუძლია ევროკავშირს გააგრძელოს სომხეთის მხარდაჭერა და საკუთარი სოლიდარობის ჩვენება.

„ჩვენ აღმოვუჩენთ ფინანსურ მხარდაჭერას და სომხეთს გავუადვილებთ ვაჭრობას მეზობლებთან და ევროპასთან. კონკრეტული ნაბიჯების წინ წასაწევად ერევანში 5 ივლისს გავემგზავრები“, - დაწერა მარტა კოსმა.

შეგახსენებთ, რომ სომხეთის საგარეო საქმეთა მინისტრი არარატ მირზოიანი ლუქსემბურგში ევროკავშირის საგარეო საქმეთა მინისტრების საბჭოს სხდომის ფორმატში გამართულ დისკუსიაში მონაწილეობს. მირზოიანი აღნიშნულ დისკუსიაში საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის, კაია კალასის მიწვევით მონაწილეობს.

შეგახსენებთ, რომ რუსეთმა სომხეთში 7 ივნისის საპარლამენტო არჩევნების წინ მრავალი სომხური პროდუქციის იმპორტი აკრძალა ან შეზღუდვები დააწესა. აკრძალვები და შეზღუდვები ამ დრომდე არ მოხსნილა.