სომხეთმა და აშშ-მა სტრატეგიული პარტნიორობა ახალ დონეზე აიყვანეს

სომხეთმა და ამერიკის შეერთებულმა შტატებმა სტრატეგიული პარტნიორობა ახალ დონეზე აიყვანეს ორ ქვეყანას შორის ყოვლისმომცველი სტრატეგიული პარტნიორობის ქარტიის ხელმოწერით.

„არმენპრესის“ ცნობით, სომხეთსა და აშშ-ს შორის ყოვლისმომცველი სტრატეგიული პარტნიორობის ქარტია აშშ-ის სახელმწიფო მდივნის, მარკო რუბიოს ერევანში ვიზიტის ფარგლებში გაფორმდა.

ქარტიას სომხური მხრიდან ხელი სომხეთის საგარეო საქმეთა მინისტრმა არარატ მირზოიანმა მოაწერა, ხოლო ამერიკული მხრიდან - აშშ-ის სახელმწიფო მდივანმა მარკო რუბიომ.

ხელმოწერის ცერემონიალის შემდეგ მედიისთვის გაკეთებული განცხადებების დროს, სომხეთის საგარეო უწყების ხელმძღვანელმა არარატ მირზოიანმა აღნიშნა, რომ ამ ქარტიის ხელმოწერით სომხეთი და შეერთებული შტატები სტრატეგიულ პარტნიორობას თვისებრივად ახალ საფეხურზე აწევენ.