ყაზახეთი, მრავალი სხვა ქვეყნის მსგავსად, დაინტერესებულია TRIPP პროექტით - ფაშინიანი

სომხეთის პრემიერ-მინისტრმა ნიკოლ ფაშინიანმა განაცხადა, რომ ყაზახეთი დაინტერესებულია TRIPP პროექტით.

 „არმენპრესის“ ცნობით, ამის შესახებ სომხეთის პრემიერ-მინისტრმა ჟურნალისტებთან ბრიფინგზე ისაუბრა.

„იხსნება საერთაშორისო კომუნიკაციის ახალი გზა და ყაზახეთი საერთაშორისო სატრანსპორტო სფეროს ერთ-ერთი მსხვილი მოთამაშე და აქტორია, განსაკუთრებით ჩინეთიდან და ჩინეთის მიმართულებით ტვირთების ნაკადის კუთხით.

ჩვენი ყაზახი პარტნიორები, რომლებთანაც ეს საკითხი ჩემი ვიზიტის დროსაც განვიხილეთ, ცდილობენ უფრო საგნობრივად გაიგონ, თუ რა სატრანსპორტო შესაძლებლობები იხსნება და როგორ აისახება ეს მათზე. ყაზახეთი არ არის ერთადერთი ქვეყანა, რომელიც ამ თემითაა დაინტერესებული; ინტერესს მრავალი ქვეყანა იჩენს. მიმდინარეობს საჯარო პროცესი და ჩვენ ამის დამალვას ჩვენი პარტნიორებისგან არ ვაპირებთ. ბუნებრივია, ყაზახეთს უნდა მოვუწოდოთ, მზად იყოს, რათა სომხეთზე გამავალი სატრანზიტო გზები საკუთარი ექსპორტის, იმპორტისა და სატრანსპორტო მომსახურების ჯაჭვში განიხილოს“, - განაცხადა ფაშინიანმა.