სომხეთის ელჩი ჩეხეთის საგარეო საქმეთა მინისტრის მოადგილეს შეხვდა

ჩეხეთში სომხეთის ელჩი აშოტ ჰოვაკიმიანი ჩეხეთის საგარეო საქმეთა მინისტრის მოადგილეს, ირჟი ბროდსკის შეხვდა.

„არმენპრესის“ ცნობით, ამის შესახებ ინფორმაციას ჩეხეთში სომხეთის საელჩო ავრცელებს.

მხარეებმა აზრები გაცვალეს სომხეთსა და ჩეხეთს შორის პოლიტიკური დიალოგის გაღრმავების პერსპექტივებზე. ორივე მხარემ ხაზი გაუსვა სავაჭრო-ეკონომიკურ სფეროში თანამშრომლობის გაფართოების მზადყოფნას. განიხილეს მიმდინარე წლის განმავლობაში სომხეთში დაგეგმილ უმაღლესი დონის საერთაშორისო ღონისძიებებში ჩეხური მხარის მონაწილეობის საკითხები.

ელჩმა ჰოვაკიმიანმა თანამოსაუბრეს გააცნო ვაშინგტონის შეთანხმებების შემდეგ სამხრეთ კავკასიაში მიმდინარე პროცესები, მათ შორის რეგიონული ინფრასტრუქტურის დებლოკადის კონტექსტში არსებული ბოლო მოვლენები და სომხეთის მთავრობის პროექტი „მშვიდობის გზაჯვარედინი“.