პრემიერ-მინისტრი ფაშინიანი „ზაიედის“ 2026 წლის დაჯილდოების ცერემონიაში მონაწილეობის მიზნით გაემგზავრა არაბთა გაერთიანებულ საემიროებში

სომხეთის რესპუბლიკის პრემიერ-მინისტრი ნიკოლ ფაშინიანი მეუღლესთან, ანნა ჰაკობიანთან ერთად, სამუშაო ვიზიტით გაემგზავრა არაბთა გაერთიანებულ საემიროებში․ „არმენპრესის“ ინფორმაციით, ამის შესახებ „ფეისბუქის“ საკუთარ გვერდზე პრემიერ-მინისტრის პრესმდივანმა ნაზელი ბაღდასარიანმა განაცხადა․

„4 თებერვალს პრემიერ-მინისტრი აბუ დაბიში მონაწილეობას მიიღებს „ზაიედის“ ადამიანური ძმობის 2026 წლის დაჯილდოების ცერემონიაში“, – აღნიშნა პრესმდივანმა․

პრემიერ-მინისტრი ნიკოლ ფაშინიანი „ზაიედის“ ადამიანური ძმობის 2026 წლის პრემიის ლაურეატად დასახელდა სომხეთის რესპუბლიკასა და აზერბაიჯანის რესპუბლიკას შორის მშვიდობის დამყარების, რეგიონში თანამშრომლობისა და სტაბილურობის უზრუნველყოფის დღის წესრიგის თანმიმდევრული წინ წაწევის ნიშნად․ იმავე ჯილდოთი დაჯილდოვდა ასევე აზერბაიჯანის რესპუბლიკის პრეზიდენტი ილჰამ ალიევი․