სომხეთ–ამერიკის ურთიერთობებმა 2025 წელს სომხეთის დამოუკიდებლობის შემდეგ ყველაზე დიდი წინსვლა დააფიქსირა։ აშშ-ის ელჩის მილოცვა
1 წუთი კითხვის
სომხეთსა და ამერიკის შეერთებულ შტატებს შორის ურთიერთობებმა 2025 წელს სომხეთის დამოუკიდებლობის შემდეგ ყველაზე დიდი წინსვლა დააფიქსირა․ „არმენპრესის“ ინფორმაციით, ამის შესახებ საახალწლო მიმართვაში სომხეთში აშშ-ის ელჩმა ქრისტინა ქუინმა განაცხადა.
„ჩვენი ურთიერთობები სტრატეგიული პარტნიორობის დონეს მიაღწია. პრეზიდენტ ტრამპთან თეთრ სახლში გამართული ისტორიული შეხვედრის დროს განისაზღვრა ჩვენი თანამშრომლობის ჩარჩო, რომელიც ათწლეულების განმავლობაში იქნება ჩვენი გზის განმსაზღვრელი“, - ნათქვამია მიმართვაში.
ქრისტინა ქუინმა აღნიშნა, რომ სომხეთი და ამერიკის შეერთებული შტატები ერთობლივად მუშაობენ რეგიონში მშვიდობის დამყარებაზე.
„ჩვენ ასევე ვიწყებთ ახალ სომხურ-ამერიკულ ინიციატივებს ტექნოლოგიების, ენერგეტიკის, საკომუნიკაციო გზებისა და უსაფრთხოების სფეროებში, რაც ხელს შეუწყობს კეთილდღეობასა და სტაბილურობას“, - განაცხადა ელჩმა.
დიპლომატმა აშშ-ის საელჩოს ყველა თანამშრომლის სახელით მადლობა გადაუხადა მეგობრობისა და პარტნიორობისთვის.
„გისურვებთ თქვენ და თქვენს ოჯახებს ყოველივე საუკეთესოს. დაე, მომავალი წელი იყოს მშვიდობისა და სიხარულის წელი. გილოცავთ შობა-ახალ წელს“, - ნათქვამია მიმართვაში.