სომხეთმა ევროკავშირს დახმარება სთხოვა ჰიბრიდული საფრთხეების წინააღმდეგ ბრძოლისთვის მოახლოებული არჩევნების ფონზე
1 წუთი კითხვის
სომხეთმა ევროკავშირისგან დახმარება ითხოვა იმ ჰიბრიდული საფრთხეების წინააღმდეგ ბრძოლის მიზნით, რომლებიც ქვეყანაში 2026 წლის საპარლამენტო არჩევნების წინ იკვეთება․
„არმენპრესის“ ინფორმაციით, ამის შესახებ განაცხადა ევროკავშირის საგარეო საქმეთა და უსაფრთხოების პოლიტიკის უმაღლესმა წარმომადგენელმა კაია კალასმა․
„სომხეთში არჩევნები იგეგმება. როგორ შეგვიძლია მათ დახმარება? მათ ითხოვეს ისეთი დახმარება, როგორიც მოლდოვას გავუწიეთ, მავნე გავლენის წინააღმდეგ ბრძოლის მიზნით“, – აღნიშნა კალასმა․
2 დეკემბერს ევროკავშირის საგარეო საქმეთა და უსაფრთხოების პოლიტიკის უმაღლესმა წარმომადგენელმა კაია კალასმა განაცხადა, რომ ევროკავშირი სომხეთს 15 მილიონ ევროს გამოუყოფს მშვიდობისა და მდგრადობის გაძლიერებისთვის. კალასის თქმით, სომხეთს აქვს გამოწვევები საინფორმაციო ველშიც, თუმცა ამ მიმართულებითაც სარგებლობს ევროკავშირის მხარდაჭერით.