ევროკავშირის კომისარმა წამოაყენა წინადადება კავშირიანობის საკითხებზე ახალი ფორმატის შექმნის შესახებ, რომელიც მოიცავს სომხეთს, აზერბაიჯანს, თურქეთსა და ევროკავშირს

ევროკავშირის გაფართოების საკითხების კომისარმა მართა კოსმა წამოაყენა წინადადება, შეიქმნას ოთხმხრივი ფორმატი – სომხეთი-აზერბაიჯანი-თურქეთი-ევროკავშირი, რომელიც ტრანსპორტის კავშირიანობის საკითხებზე იმუშავებს. როგორც „არმენპრესის“ კორესპონდენტი იუწყება, ამის შესახებ კოსმა განაცხადა სომხეთის საგარეო საქმეთა მინისტრ არარატ მირზოიანთან და ევროკავშირის საგარეო პოლიტიკისა და უსაფრთხოების საკითხების უმაღლეს წარმომადგენელ კაია კალასთან ერთობლივ პრესკონფერენციაზე.

„ოქტომბერში დავიწყეთ ამ თემის განხილვა. დღეს მინისტრს ვთხოვე, წარმოგვედგინა სომხეთის პრიორიტეტები ტრანსპორტის კავშირიანობის დღის წესრიგში და შემდეგ ერთად განვიხილავთ მათ“, – აღნიშნა მართა კოსმა.

მისი თქმით, შესაძლებელია გატარდეს მრავალი ნაბიჯი კავშირიანობის მიმართულებით, თუმცა ეს შესაძლებელი იქნება მხოლოდ მშვიდობიან გარემოში.

ბრიუსელში მიმდინარეობს სომხეთ-ევროკავშირის პარტნიორობის საბჭოს მეექვსე შეხვედრა. შეხვედრის შედეგებით სომხეთმა და ევროკავშირმა ხელი მოაწერეს სტრატეგიული პარტნიორობის ახალ დღის წესრიგს. დოკუმენტს ხელი მოაწერეს სომხეთის საგარეო საქმეთა მინისტრმა არარატ მირზოიანმა და ევროკავშირის საგარეო და უსაფრთხოების პოლიტიკის საკითხების უმაღლესმა წარმომადგენელმა კაია კალასმა.