სომხეთის რესპუბლიკის პრემიერ-მინისტრი ევროპის საბჭოს ადამიანის უფლებათა კომისარს შეხვდა

სომხეთის რესპუბლიკის პრემიერ-მინისტრი ნიკოლ ფაშინიანი სტრასბურგში შეხვდა ევროპის საბჭოს ადამიანის უფლებათა კომისარს მაიკლ ო’ფლაჰერტის.

„არმენპრესის“ ინფორმაციით, სომხეთის რესპუბლიკის პრემიერ-მინისტრის ადმინისტრაციის ცნობით, შეხვედრისას განიხილეს სომხეთში ადამიანის უფლებათა დაცვის სფეროში მიმდინარე რეფორმები, დემოკრატიული ინსტიტუტების გაძლიერებისკენ გადადგმული ნაბიჯები, ასევე სომხეთისა და ევროპის საბჭოს შორის თანამშრომლობის პერსპექტივები.

ნიკოლ ფაშინიანმა მაღალი შეფასება მისცა ადამიანის უფლებათა კომისრის საქმიანობას და ხაზი გაუსვა სომხეთის მზადყოფნას, გააგრძელოს მჭიდრო თანამშრომლობა ევროპის საბჭოსთან ადამიანის უფლებების, დემოკრატიისა და კანონის უზენაესობის განმტკიცების სფეროებში.

მაიკლ ო’ფლაჰერტიმ მაღალი შეფასება მისცა სომხეთის მთავრობის ერთგულებას ადამიანის უფლებათა დაცვის სფეროში და დემოკრატიის განმტკიცების მიმართულებით განხორციელებულ თანმიმდევრულ ნაბიჯებს, რითაც, მისი თქმით, ხელი ეწყობა მოქალაქეთა ფუნდამენტური უფლებებისა და თავისუფლებების დაცვას.

მხარეებმა ასევე განიხილეს თანამშრომლობის გაფართოების შესაძლებლობები, ხაზი გაუსვეს სომხეთისა და ევროპის საბჭოს შორის მუდმივი და კონსტრუქციული დიალოგის მნიშვნელობას.