სომხეთისა და ნორვეგიის გარემოს დაცვის მინისტრებმა თანამშრომლობის მემორანდუმს მოაწერეს ხელი

სომხეთის რესპუბლიკის გარემოს დაცვის მინისტრმა ჰამბარძუმ მათევოსიანმა და ნორვეგიის გარემოსა და კლიმატის მინისტრმა ანდრეას ერიკსენმა ნიუ-იორკში გამართული შეხვედრის დროს ხელი მოაწერეს თანამშრომლობის მემორანდუმს.

„არმენპრესის“ ინფორმაციით, ამის შესახებ სომხეთის რესპუბლიკის გარემოს დაცვის მინისტრმა ჰამბარძუმ მათევოსიანმა „ფეისბუქის“ საკუთარ გვერდზე დაწერა.

„ეს მემორანდუმი ახალ გვერდს ხსნის სომხეთსა და ნორვეგიას შორის ურთიერთობებში, განსაკუთრებული ყურადღებით ბიომრავალფეროვნების დაცვაზე.

თანამშრომლობა ითვალისწინებს ინფორმაციისა და გამოცდილების გაცვლას, სპეციალისტებისა და ოფიციალური პირების ურთიერთშემოსვლებს, ასევე ერთობლივი პროგრამებისა და ინიციატივების განხორციელებას.

ეს საშუალებას მოგვცემს უფრო ეფექტიანად განვახორციელოთ ბიომრავალფეროვნების დაცვის პოლიტიკა, შევისწავლოთ ნორვეგიის გამოცდილება და ერთობლივი ძალებით წინ წავწიოთ ის დღის წესრიგები, რომლებიც კუნმინგ-მონრეალის გლობალური ბიომრავალფეროვნების ჩარჩოდან გამომდინარეობს.

ეს დოკუმენტი არამარტო პრაქტიკული პროგრამების საფუძველს ქმნის, არამედ ამაღლებს ჩვენი ქვეყნების მეგობრულ და პარტნიორულ ურთიერთობებსაც.

სომხეთი მაღალ შეფასებას აძლევს ნორვეგიის ლიდერობას კლიმატის ცვლილებასთან ბრძოლაში, ტყეების და ბიომრავალფეროვნების დაცვის სფეროში, ასევე პლასტიკის დაბინძურების წინააღმდეგ გლობალურ პროცესში მის მნიშვნელოვან როლს.

დარწმუნებული ვარ, რომ ჩვენი ერთობლივი ნაბიჯები შეუწყობს ხელს არა მხოლოდ ორი ქვეყნის საერთო მიზნების განხორციელებას, არამედ გლობალური მდგრადი განვითარების დიდ პროცესსაც“, – დაწერა მათევოსიანმა.