პორტუგალიასთან მატჩში სომხეთის ნაკრებმა ხასიათი უნდა აჩვენოს: სპერციანი

სომხეთის რესპუბლიკის ეროვნული საფეხბურთო ნაკრების ნახევარმცველმა ედუარდ სპერციანმა განაცხადა, რომ პორტუგალიასთან მსოფლიო ჩემპიონატის შესარჩევი ეტაპის მატჩის წინ ნაკრებში შესანიშნავი ატმოსფეროა.

„ნაკრებში შესანიშნავი ატმოსფეროა. ამ ხუთი დღის განმავლობაში ვეცადეთ გაგვეგო ჩვენი ახალი მთავარი მწვრთნელის ფილოსოფია. ყველაფერს გავაკეთებ, რათა დავეხმარო ნაკრებს და მაქსიმალურად კარგი შედეგი ვაჩვენოთ“, – „არმენპრესის“ ცნობით, ჟურნალისტებთან წინასამატჩო პრესკონფერენციაზე განაცხადა სპერციანმა.

ნახევარმცველის თქმით, ნაკრებს მარტივი შეხვედრა არ ელის, თუმცა გუნდმა ხასიათი უნდა აჩვენოს.

6 სექტემბერს სომხეთის ეროვნული ნაკრები ვაზგენ სარგսიანის სახელობის „რესპუბლიკურ“ სტადიონზე უმასპინძლებს პორტუგალიას. შეხვედრა დაიწყება 20:00 საათზე (ერევნის დროით).