368.52
სომხეთმა და პაკისტანმა დიპლომატიური ურთიერთობები დაამყარეს
2 წუთი კითხვის
სომხეთის რესპუბლიკის საგარეო საქმეთა მინისტრმა არარატ მირზოიანმა და პაკისტანის ისლამური რესპუბლიკის ვიცე-პრემიერმა და საგარეო საქმეთა მინისტრმა მუჰამედ იშაქ დარმა ხელი მოაწერეს სომხეთსა და პაკისტანს შორის დიპლომატიური ურთიერთობების დამყარების შესახებ ერთობლივ კომუნიკეს.
როგორც „არმენპრესის“ სომხეთის რესპუბლიკის საგარეო საქმეთა სამინისტროდან აცნობეს, ხელმოწერის ცერემონია ჩრდილეთის ქალაქ ტიანცინში, შანხაის თანამშრომლობის ორგანიზაციის სამიტის ფარგლებში გაიმართა.
კომუნიკეს ხელმოწერით, სომხეთი და პაკისტანი ადასტურებენ დიპლომატიური ურთიერთობების დამყარებას. ორი ქვეყნის მთავრობები ისწრაფვიან მეგობრული ურთიერთობების განვითარებისთვის გაეროს ქარტიის შესაბამისად, მათ შორის სუვერენიტეტისა და ტერიტორიული მთლიანობის ურთიერთპატივისცემის, აგრესიის გამორიცხვის, ერთმანეთის შიდა საქმეებში ჩაურევლობის, თანასწორობის, ურთიერთსარგებლიანობისა და მშვიდობიანი თანაარსებობის პრინციპების გათვალისწინებით.
წყაროს ცნობით, სომხეთისა და პაკისტანის მთავრობები შეთანხმდნენ, რომ გაცვალონ წარმომადგენლები და ერთმანეთთან ითანამშრომლონ საჭირო მხარდაჭერის გაწევის მიმართულებით „დიპლომატიური ურთიერთობების შესახებ“ 1961 წლის ვენის კონვენციისა და საერთაშორისო ჩვეულებითი პრაქტიკის საფუძველზე, დიპლომატიური ურთიერთობების ეფექტურად ამოქმედების მიზნით.